مانگا منڈی(آن لائن)نامورکامیڈین ناصر چنیوٹی کی کارسلنڈر پھٹنے سے شدید زخمی اور جھلسنے کی افواہ،ناصرچنیوٹی کی تردید،آن لائن کے مطابق سوشل میڈیاپرپاکستان کے نامورکامیڈین اداکار ناصرچنیوٹی کی کارسلنڈرپھٹنے سے شدید جھلسنے کی خبریں اورتصویرگردش کررہی تھی
جس میں وہ ہسپتال میں پڑے ہوئے تھے جبکہ ناصر چنیوٹی اداکار افتخارٹھاکراوراکرم اداس کے ساتھ اپنی نئی پنجابی فلم چل میرا پت کے سیکوئل کی شوٹنگزکے لئے کینیڈاگئے ہوئے ہیں۔ رابطہ کرنے پر ناصرچنیوٹی نے بتایاکہ وہ خیریت سے ہیں اور کینیڈامیں فلم کی شوٹنگز میں مصروف ہیں، خبرکے بارے میں افسوس کرتے ہوئے انہوں نے کہاکہ ایسی خبروں سے نہ صرف انہیں اور ان کے گھروالوں کو پریشانی کا سامنا کرنا پڑاہے بلکہ ان کے پرستاروں میں بھی تشویش کی لہر دوڑ گئی ہے، ناصر چنیوٹی نے کہاکہ پتہ نہیں یہ کون شرپسندہیں جو چاہتے ہیں کہ میں اورمجھ سے وابستہ لوگ پریشان رہیں ،میری ایسے شرپسند۔عناصر سے اپیل ہے کہ اس طرح کی افواہیں نہ اڑایا کریں اورمیرے دوست احباب بھی ایسی خبرکی پہلے تصدیق کرلیا کریں، ناصر چنیوٹی نے مزیدکہاکہ لوگوں نے سوشل میڈیاکو مذاق بنایا ہواہے انہیں علم نہیں ہوتا کہ ان کے مذاق سے کسی کی جان بھی جا سکتی ہے اور اس طرح کی غلط خبریں پھیلاکر وہ دوسروں کو تکلیف میں مبتلا کررہے ہیں۔یہ خبر سوشل میڈیاپر چلنے سے میڈیااورشوبزافرادنے ناصر چنیوٹی سے رابطے کرنے شروع کردئے جس پر انہیں اپنا ویڈیو میسیج سوشل میڈیاپراپلوڈ کرناپڑا۔
