لاہور (مانیٹرنگ ڈیسک)ٹک ٹاک سے شہر ت حاصل کرنے والی حریم شاہ نے شادی کیلئے لڑکا ڈھونڈ لیا ۔ تفصیلات کے مطابق سوشل میڈیا سٹار حریم شاہ نے اپنے ایک انٹرویو میں کہا ہے کہ کافی لوگ ہیں جو مجھے شادی کے پیغامات بھجواتے رہتے ہیں لیکن شادی کا معاملہ والدین پر چھوڑ رکھا ہے جہاں وہ چاہیں گے وہیں میں شادی کروں گی ۔ مستقبل کے جیون ساتھی کے بارے میں بتاتے ہوئے
حریم شاہ کا کہنا تھا کہ اس کا تعلق ملتان سے ہے جس سے وہ بہت جلد شادی کر لیں گی ۔ٹک ٹاک سٹار کا مزید کہنا تھا کہ امیر ہونا کوئی بڑی بات نہیں ، دولت تو آنی جانی چیز ہے ۔ انسان کو جو بھی ملتا ہے وہ اس کے مقدر سے ملتا ہے ۔ ہر شخص کو دولت کی نگاہ سے نہیں بلکہ یہ دیکھنا چاہیے کہ اس کا دل کیسا ہے اوراخلاق کیسے ہیں ۔ اللہ پاک کسی کو دولت دے کر آزماتا ہے اور کسی سے لے کر آزماتا ہے ۔ ان کا کہنا تھا کہ میں بہت فضول خرچ ہوں ماہانہ خرچہ تقریباً لاکھوں میں ہوتا ہے جبکہ ایسا نہیں ہونا چاہیے ، ہر شخص کو میانہ روی کیساتھ زندگی گزارنی چاہیے ۔حریم شاہ کا کہنا تھا کہ میرا گھرانہ بہت مذہبی ہے اور وہ بالکل پسند نہیں کرتے کہ میں ایسی ویڈیو بنا کر اپ لوڈ کروں ، میں بعض ٹائم ویڈیو بنانے کے بعد رو بھی پڑتی ہوں کہ اس پر میرے گھر والوں کا کیا ری ایکشن آئے گا ۔ میری فیملی کہتی ہے کہ یہ غلط کام ہے اس سے انسان کو گناہ ملتا ہے ۔ مجرم ہو، اللہ کو کیا جواب دو گی ، مرنا بھی ہے زیادہ تر مجھے گھر والون سے یہی لیکچر سننے کو ملتا ہے ۔ٹک ٹاک سٹار صندل شاہ کہناتھا کہ یہ بہت جلد شادی کرنے والی ہیں جس کا تعلق ملتان سے ہےجس کے جواب میں حریم شاہ نے خاموشی اختیار کرتے ہوئے نیم رضا مندی کا اظہار کیا ۔
