لاہور(این این آئی) لالی ووڈ سٹار ثناء نے فنکاروں کی حوصلہ افزائی کیلئے حکومتی سطح پر قومی اور علاقائی ایوارڈز کی تقریبات کا دوبارہ اجراء کرنے کا مطالبہ کرتے ہوئے کہا ہے کہ اس طرح کی تقریبات سے جہاں شوبز سر گرمیاں عروج حاصل کریں گی وہیں عوام کو بھی انٹر ٹینمنٹ میسر آئے گی ۔ خصوصی گفتگو کرتے ہوئے ثناء نے کہا کہ پہلی حکومت کی جانب سے قومی اور علاقائی
ایوارڈز دئیے جاتے تھے جن کا سلسلہ منقطع ہو چکا ہے ۔ اس طرح کے اقدامات سے فنکاروں میں بھی مقابلے کا رجحان پیدا ہو گا اورعوام کو بھی انٹر ٹینمنٹ میسر آئے گی ۔انہوں نے مزید کہا کہ اس طرح کی تقریبات سے دوسرے شعبے بھی عروج حاصل کریں گے اور یقینی طور پر نجی شعبے میں بھی اس طرح کی تقریبات شروع ہوں گی جس سے ہماری معیشت کو بھی ترقی ملے گی ۔
