لاہور(آن لائن)اداکارہ ثناء فخر ڈرامہ سیریل ’’لال مائی‘‘ میں چڑیل کے کردار میں جلوہ گر ہوں گی، ڈرامے کی ریکارڈنگ شمالی علاقہ جات میں کی جا رہی ہے۔میڈیا رپورٹ کے مطابق ثناء کو ڈرامہ ’’لال مائی‘‘ کے مرکزی کردار میں کاسٹ کیا گیا ہے جس کی ریکارڈنگ شمالی علاقہ جات میں کی جا رہی ہے۔
ثناء فخر نے بتایا کہ لال مائی ایک چڑیل کا کردار ہے جو میرے لئے دلچسپ اور منفرد ہے اس سے قبل میں نے ایسا کردار ادا نہیں کیا۔ڈرامے کی کہانی ڈراؤنی ہونے کیساتھ ساتھ پیچیدہ اور سنسنی سے بھرپور ہے۔ شائقین آج کل ہارر ڈرامے اور فلمیں شوق سے دیکھتے ہیں اور امید ہے میرا کردار پسند کیا جائیگا۔
