سلام آباد(آن لائن) اداکار محسن عباس حیدر نے کہا ہے کہ کسی کی عزت اچھالنے کا قائل نہیں ہوں‘بیوی نے کیچڑ اچھالا،ہر روتی عورت سچی ہو یہ ضروری نہیں،فاطمہ کیساتھ شادی کرنے میں جلدی کی۔ اداکار محسن عباس حیدر نے پریس کانفرنس سے خطاب کرتے ہوئے کہا کہ ان کی بیوی نے ان پر کیچڑ اچھالا ہے اور وہ اس کو صاف کرنے کیلئے تیار ہیں کیونکہ وہ کسی کی بھی عزت اچھالنے کے قائل نہیں ہیں۔ان کا کہنا تھا کہ یہ ضروری نہیں ہے
کہ ہر روتی ہوئی عورت سچی ہو اور ہم ہمیشہ عورت کارڈ ہی کیوں کھیلتے ہیں۔ ایک سوال پر ان کا کہنا تھا کہ انہوں نے فاطمہ سہیل کیساتھ شادی کرنے میں جلدی کی، شادی کے کچھ ماہ بعد ہی ہم دونوں کو یہ احساس ہونا شروع ہوا کہ ہم میں ذہنی ہم آہنگی نہیں ہے۔ ان کا مزید کہنا تھا کہ جو تصاویر فاطمہ نے سوشل میڈیا میں شیئیر کی ہیں وہ ایک سال پہلے کی ہیں جب وہ سیڑھیوں سے گری تھیں۔ انہوں نے اس بات کی بھی تردید کی کہ انہوں نے فاطمہ کے والدین سے پیسے لئے ہیں۔
