لاس اینجلس(این این آئی)امریکی گلوکارہ لیڈی گاگا کے گانے ’شیلو‘ کو رواں سال منعقد ہوئی 91ویں اکیڈمی ایوارڈ کی تقریب کے دوران بہترین اوریجنل گانے کا آسکر ایوارڈ دیا گیاتھا۔یہ گانا لیڈی گاگا کی زندگی پر بننے والی فلم’’اے سٹار اِز بارن‘‘ کا ہے۔

اس ایوارڈ کو حاصل کرنے کے ساتھ ہی لیڈی گاگا ایک ہی سال میں آسکر، گولڈن گلوب، بافٹا اور گریمی ایواڈ جیتنے والی پہلی خاتون بھی بن گئیں ہیں۔لیڈی گاگا نے اپنا ایوارڈ وصول کرتے ہوئے جذباتی تقریر سے ناظرین کا دل بھی جیت لیا۔گلوکارہ کا کہنا تھا کہ اصل بات جیتنا نہیں بلکہ کبھی ہار نہ ماننا ہے، اگر آپ ایک خواب رکھتے ہیں تو اس کو پورا کرنے کے لیے کوشش کرتے رہیں۔لیڈی گاگا آسکرز کے ریڈ کارپٹ سے لے کر مرکزی تقریب تک چھائی رہیں‘ اس تقریب کے دوران انہوں نے اداکار بریڈ لی کوپر کے ساتھ شاندار پرفارمنس بھی دی۔ان کی پرفارمنس پر مداحوں نے سوشل میڈیا پر ایسا خیال ظاہر کیا کہ یہ دونوں ایک دوسرے کی محبت میں مبتلا ہیں۔لیڈی گاگا آسکرز کی تقریب میں سیاہ رنگ کے جوڑے میں نظر آئیں جبکہ ان کی جیولری بھی آسکر2019 میں مرکز نگاہ رہی۔ انہوں نے جیولری کے مشہور برانڈ ٹفنی کا ہار پہن رکھا تھا جو کہ اس سے قبل 1961 میں مشہور برطانوی اداکارہ آڈرے ہیپ پرن نے زیب تن کیا تھا۔

موضوعات:لیڈی گاگا