ممبئی (این این آئی) بالی ووڈ کنگ شاہ رخ خان کے دیوانے بھارت سمیت پوری دنیا میں موجود ہیں اور اب کنگ خان کے نائیجیرین مداحوں کی آواز میں ان کے ایک مقبول گانے کی ویڈیو بھی سوشل میڈیا پر وائرل ہورہی ہے۔شاہ رخ خان کے نائیجیرین مداحوں نے گزشتہ برس دسمبر میں ان کی مقبول فلم ’کل ہونا ہو‘ کا ٹائٹل گیت گایا تھا جو

سوشل میڈیا پر بے حد پسند کیا گیا تھا۔اب انہوں نے ان کی 1997 میں سپر ہٹ ہونیوالی فلم ’دل تو پاگل ہے‘کا مشہور گانا ’بھولی سی صورت‘ گاکر بھارتی اداکار کو خراج تحسین پیش کیا ہے، جس کی ویڈیو سوشل میڈیا پر مقبول ہو رہی ہے۔ویڈیو میں دیکھا جاسکتا ہے کہ نائیجیرین مداح شاہ رخ خان کا گانا گاتے ہوئے خوب انجوائے کر رہے ہیں۔