لاہور(این این آئی)سینئر اداکارہ جویریہ عباسی نے کہا ہے کہ میں نے شوبز میں اپنی بیٹی کے لئے کسی سے بھی سفارش نہیں کی ،اگر وہ کامیابیوں کی طرف جا رہی ہے تو یہ اس کی اپنی محنت ہے ۔ انہوں نے ایک انٹرویو کے دوران کہا کہ میں ہمیشہ میرٹ پر یقین رکھتی ہوں ، چاہے زندگی کا کوئی بھی شعبہ ہو اس میں صرف اہل لوگوں کو

ہی آگے آنا چاہیے ۔ بدقسمتی سے ہم لوگوں نے ایک دوسرے کی حق تلفی کا وطیرہ اپنا رکھا ہے جو کسی بھی طور پر درست نہیں ۔ جویریہ عباسی نے کہا کہ میں نے اپنے کریئر میں کبھی سفارش سے کام حاصل نہیں کیا اور آج اتنا کام کرنے کے باوجود بھی میرے پاس ڈرامہ سیریل میں کام کرنے کیلئے متعدد پیشکش ہیں مگر صرف ایسا کردار ادا کرتی ہو ں جو میرے لیے چیلنجنگ ہو ۔

موضوعات:جویریہ عباسی