ممبئی (این این آئی)بولی وڈ کی معروف اداکارہ اور بھارتی کرکٹ اسٹار ویرات کوہلی کی اہلیہ انوشکا شرما سے متعلق ان دنوں ایک ہی سوال پوچھا جارہا ہے کہ سوشل میڈیا پر موجود یہ تصویر واقعی انوشکا کی ہے یا نہیں۔سوشل میڈیا پر یہ تصویر وائرل ہونے کے بعد اکثر صارف سمجھ رہے ہیں کہ انوشکا نے

اپنے بال سنہری رنگ میں ڈائی کروائے ہیں اور کچھ صارفین اس سوچ میں مبتلا ہیں کہ یہ اداکارہ ہیں یا ان کی کوئی ہم شکل ہے۔یہ بھارتی اداکارہ نہیں بلکہ ان سے کافی زیادہ مشابہت رکھنے والی امریکی گلوکارہ جولیا مائیکل ہیں۔این ڈی ٹی وی کی رپورٹ کے مطابق 2 روز قبل جولیا مائیکل اور بھارتی اداکارہ انوشکا شرما کی تصاویر کا موازنہ اس وقت شروع ہوا جب انہوں نے سماجی روابط کی ویب سائٹ ‘انسٹاگرام’ پر اپنی سیلفی شیئر کی جسے پہلی بار دیکھتے ہی یہ گمان ہوتا ہے کہ یہ انوشکا ہی ہیں۔متعدد صارفین نے سوشل میڈیا پر جولیا مائیکل اور انوشکا شرما کی تصاویر کو پوسٹ کیا اور ان سے متعلق قیاس آرائیاں کی جارہی ہیں، جبکہ بعض صارفین یہ سمجھے کہ انوشکا نے اپنا ہیئر اسٹائل اور کلر تبدیل کیا ہے۔ٹوئٹر صارف نے جولیا مائیکل اور انوشکا شرما کی 2 برس پرانی تصویر شیئر کرتے ہوئے سوال کیا کہ ’انوشکا شرما یہ واقعی آپ ہیں؟ میں پریشان ہوگئی ہوں لیکن آپ دونوں ہی خوبصورت ہیں۔جولیا مائیکل کی سیلفی کا کمنٹ سیکشن میں بولی وڈ فینز کی جانب سے انوشکا سے موازنہ کیا جاتا رہا یہاں تک کہ کچھ افراد نے انوشکا شرما کے شوہر ویرات کوہلی کو بھی اس تصویر پر ٹیگ کیا تاکہ یہ بات ان کے علم میں بھی لائی جاسکے۔تصاویر پر مسلسل موازنے کے بعد جولیا مائیکل نے بھی ٹوئٹ کیا کہ ’میں سوچ رہی تھی کہ میں اپنا نام تبدیل کرکے قانونی طور پر جوشکا شرمائلس کرلوں؟ دونوں ناموں کو ملانا اچھا ہوسکتا ہے۔