لاہور( این این آئی) اداکارہ مائرہ خان نے کہا ہے کہ مجھے اردو اورانگریزی زبانوں کی طرح پنجابی زبان پر عبور حاصل نہیں ،پروڈیوسر بلال لاشاری کی پنجابی فلم میں کام کرتے ہوئے پنجابی زبان سیکھنی پڑی اور اس کیلئے اداکار حمزہ علی عباسی نے میری بھرپور مدد کی ۔ایک انٹر ویو میں اداکارہ نے کہا کہ میں نے فلم میں اپنے
ڈائیلاگ بہترین انداز میں بولنے کی کوشش کی ہے اور مجھے امید ہے کہ پنجابی زبان کے ڈائیلاگ پنجا ب کے لوگ ضرور پسند آئیں گے ۔انہوں نے کہا کہ میری یہ پہلی کاوش تھی لیکن ا ب میں پنجابی زبان سمجھنے کے ساتھ پنجابی زبان اچھے انداز میں بول بھی سکتی ہوں لیکن اس پر مکمل عبور حاصل ہونے کا دعویٰ نہیں کرتی۔
