ممبئی(سی پی پی)سشمیتا سین نے اپنی بڑی بیٹی رینے کی 19 ویں سالگرہ پر انہیں نصیحت کرتے ہوئے کہا ہے کہ اب تمہارے اڑان بھرنے کے دن آگئے ہیں۔بھارتی میڈیا کے مطابق اداکارہ سشمیتا سین کی بڑی بیٹی رینے 19 برس کی ہوگئیں، اس موقع پر سشمیتا نے اپنی بیٹی کے لیے انتہائی جذباتی پیغام تحریر کیا ہے جس میں انہوں نے نصیحت کی ہے کہ اپنی نوجوانی کے آخری سال کا خوب لطف لو۔سشمیتا سین نے

لکھا نئے دوست بناؤ، گا، گھوموپھرو، نئی دنیا دریافت کرو، ماضی کو گزرنے دو، مستقبل پر نظر رکھو لیکن جو وقت آج تمہارے پاس ہے اس کا بھرپور لطف اٹھا، تمہارا ہر قدم یہ ظاہر کرے گا کہ تم زندگی میں کس چیز کا انتخاب کرتی ہو۔سشمیتا سین نے جذباتی لہجے میں اپنی بیٹی کو مخاطب کرتے ہوئے کہا کہ میں تم سے بہت پیار کرتی ہوں اور ایسا لگ رہا ہے جیسے تمہارے ساتھ آج میں بھی 19 سال کی ہوگئی ہوں۔