ممبئی (آئی این پی) بالی ووڈ انڈسٹری کی معروف اداکارہ و ماضی قریب کی ہیروئن جوہی چاولہ نے کہا ہے کہ صرف وہی فلم کروں گی جس کا کردار متاثر کریگا‘اپنی فطرت کے برعکس ایک طویل عرصہ فلم انڈسٹری میں گزارنے پر حیرت ہوتی ہے۔ ایک بھارتی ٹی وی پروگرام میں گفتگو کرتے ہوئے جوہی چاولہ نے کہا کہ تقریباً اٹھائیس سال سے بالی ووڈ میں کام کر

رہی ہوں۔ اداکارہ نے کہا کہ وہ خود حیران ہیں کہ وہ فلمی دنیا میں اتنے طویل عرصے تک کیسے ٹکی رہیں کیونکہ یہ ان کی فطرت کے خلاف ہے۔ جوہی نے کہا کہ فیصلہ کیا ہے کہ اب صرف وہی فلم کروں گی جس کا کردار متاثر کرے گا۔جوہی کا کہنا تھا کہ یہ بہت کم لوگ جانتے ہوں گے کہ میرے فلمی کریئرکا آغاز ’قیامت سے قیامت تک‘ سے نہیں بلکہ فلم ’سلطنت‘ سے ہوا تھا۔

موضوعات:جوہی چاولہ