ممبئی(آئی این پی) بالی ووڈ اداکار نانا پاٹیکر نے کہا ہے کہ میں فلم انڈسٹری میں اپنی اچھی ساکھ کو برقرار رکھنے کیلئے صرف معیاری فلموں میں کام کرتا ہوں۔ بھارتی میڈیا سے گفتگو کرتے ہوئے انہوں نے کہا کہ جب بھی کوئی میرے پاس اسکرپٹ لے کر آتا تو میں خود سے یہ سوال پوچھتا ہوں کہ میں یہ فلم کیوں کروں۔
انہوں نے کہا کہ میں بہت زیادہ فلمیں نہیں کرتا کیونکہ میں لالچی نہیں ہوں ہاں اگر لالچ ہے تو عزت کی۔ انہوں نے کہا کہ جب کبھی میں کوئی ایسا سکرپٹ دیکھتا ہوں جو بہت ہی معیاری ہو تو پھر میں وہ فلم ضرور قبول کر لیتا ہوں۔ ناناپاٹیکر نے کہا کہ ایسا صرف فلم انڈسٹری میں اپنی اچھی ساکھ کو برقرار رکھنے کے لئے کرتا ہوں۔
