نائب قاصد کے خلاف 10لاکھ روپے رشوت لینے کے الزام میں مقدمہ درج کرلیاگیا

لاہور(این این آئی)پنجاب فارنزک سائنس ایجنسی میں 10لاکھ روپے رشوت کے عوض رپورٹس تبدیل کرنے والا نائب قاصد پکڑا گیا۔پنجاب فارنزک سائنس ایجنسی میں فرانزک رپورٹس کی تبدیلی کا انکشاف ہوا ہے اور پی ایس ایف اے کا نائب قاصد 10لاکھ رشوت کے الزم میں گرفتار کرلیا گیا اور اسے اینٹی کرپشن کے حوالے کر دیا گیا ہے۔ڈپٹی ڈائریکٹر ایڈمن نے پی ایس ایف اے کے نائب قاصد ناصر کے خلاف مقدمہ درج کرنے کی درخواست کی، جس پر اینٹی کرپشن نے مقدمہ درج کرلیا ہے۔دوسری جانب پنجاب فارنزک سائنس ایجنسی کے 2ڈرائیور بھی گرفتار کرلئے گئے ہیں،جنہوں نے مبینہ طور پر خاتون سے سیکیورٹی گارڈ بھرتی کروانے کے لیے ڈھائی لاکھ روپے رشوت لی تھی۔حکام کا کہنا ہے کہ متاثرہ خاتون نادیہ نوشین کی درخواست پر ڈرائیورز کے خلاف کارروائی کی گئی ہے۔