اسلام آباد/لاہور( این این آئی)نیشنل سائبر کرائم ایجنسی نے آن لائن انویسٹمنٹ کے نام پر بڑا سکینڈل پکڑ لیا ہے
جس میں ملک بھر کے شہریوں کے ساتھ 2 ارب روپے سے زائد کا فراڈ کیے جانے کا انکشاف ہوا ہے۔سائبر کرائم تھانے میں مقدمہ درج کرکے تفتیش شروع کر دی گئی، ابتدائی تفتیش میں 18ملزمان کے سکینڈل میں ملوث ہونے کا انکشاف ہوا ہے ۔ سائبر کرائم ایجنسی نے دو ملزمان کو گرفتار کر لیا جبکہ سکینڈل میں ملوث 18ملزمان کے نام ایگزٹ کنٹرول لسٹ میں شامل کرا دئیے گئے ہیں۔
ملزمان نے سینکڑوں شہریوں کے ساتھ سرمایہ کاری کے نام پر بھاری مالیت کا فراڈ کیا، گرفتار ملزمان کے انکشافات پر تفتیش کا دائرہ کار وسیع کر دیا گیا ہے۔گرفتار ملزمان کے زیر استعمال موبائل فونز اور لیپ ٹاپ کا فرانزک آڈٹ جاری ہے جبکہ دیگر ملزمان کی گرفتاری کے لیے مختلف ٹیمیں تشکیل دیدی گئی ہیں۔
