اسلام آباد (نیوز ڈیسک) کنٹینرز کی پکڑ دھکڑ کے خلاف گڈز ٹرانسپورٹرز نے کراچی سے اسلام آباد اشیائے خورونوش سمیت دیگر سامان کی ترسیل روک دی۔
گڈز ٹرانسپورٹ سپریم کونسل کے چیئرمین کے مطابق اسلام آباد اور پنجاب میں کنٹینرز پکڑے جانے کے باعث ٹرانسپورٹرز کو مالی نقصان کا سامنا ہے، جس کے پیش نظر سامان کی لوڈنگ کا عمل بھی بند کردیا گیا ہے۔چیئرمین گڈز ٹرانسپورٹ سپریم کونسل کا کہنا ہے کہ کراچی سے اسلام آباد جانے والی اشیائے خورونوش سمیت مختلف سامان کی سپلائی فی الحال معطل کردی گئی ہے۔ان کے مطابق کنٹینرز کی پکڑ دھکڑ سے گڈز ٹرانسپورٹ کا کاروبار شدید متاثر ہورہا ہے،
جس کے باعث ٹرانسپورٹرز نے مزید سامان لوڈ کرنے سے گریز کیا ہے۔دوسری جانب ذرائع کے مطابق اسلام آباد اور پنجاب میں کنٹینرز کی گرفتاری کے معاملے کے بعد شپنگ کمپنیوں نے بھی گڈز ٹرانسپورٹرز کو کنٹینرز فراہم کرنا روک دیے ہیں، جبکہ متعدد کنٹینرز گراؤنڈ کردیئے گئے ہیں۔
