کراچی(این این آئی)شہر قائد کے بجلی صارفین کیلئے اچھی خبر آگئی ہے، صارفین کیلئے بجلی 4 روپے 95 پیسے فی یونٹ سستی ہونے کا امکان ہے۔کے الیکٹرک نے بجلی کی قیمت میں کمی کی درخواست دائر کر دی ہے، نیشنل الیکٹرک پاور ریگولیٹری اتھارٹی(نیپرا)کے الیکٹرک کی درخواست پر 26 فروری کو سماعت کرے گی۔
بجلی کی قیمتوں میں کمی کی درخواست فیول پرائس ایڈجسٹمنٹ کی مد میں دائر کی گئی ہے، تاہم منظوری کی صورت میں صارفین کو 4 ارب 94 کروڑ روپے کا ریلیف ملے گا۔بجلی کی قیمتوں میں کمی ماہ دسمبر کے ایف سی اے کی مد میں متوقع ہے، تاہم نیپرا اتھارٹی درخواست پر سماعت کے بعد حتمی فیصلہ کرے گی۔
