کراچی(این این آئی)کسٹم ڈیوٹی میں رعایت کے باعث ڈی ایٹ ممالک سے درآمدی اشیا کی قیمتیں کم ہونے کا امکان ہے۔ایف بی آر کے مطابق درآمدی آٹمز میں کھانے پینے اور روز مرہ کے استعمال کی اشیا شامل ہیں، پاکستان میں سات ملکوں سے کم ڈیوٹی پر اشیا درآمد کی جا سکیں گی۔

کم امپورٹ ڈیوٹی کے فیصلے سے مصنوعات کی قیمتیں کم ہونے کا امکان ہے، آٹھ ممالک سے درآمدی ٹیرف لائن پر کسٹمز ڈیوٹی میں رعایت کا نوٹیفکیشن جاری کردیا گیا ہے۔بنگلا دیش، مصر، انڈونیشیا، ایران، ملائیشیا، نائجیریا اور ترکی کے لیے رعایت دی گئی، ایف بی آر ان ملکوں سے اشیا کی درآمد پر ڈیوٹی میں مرحلہ وار کمی کرے گا۔ایف بی آر حکام کے مطابق 2026 میں درآمدی ائٹمز پر کسٹمز ڈیوٹی کم ہوکر 12.50 سے 20 فیصد تک ہوگی ،ایف بی آر2027 میں درآمدی آئٹمز پر کسٹمز ڈیوٹی 11.25 سے 17.50 فیصد تک ہوگی، 2028 میں درآمدی ائٹمز پر کسٹمز ڈیوٹی 10 سے 15 فیصد تک ہوگی۔