اسلام آباد(این این آئی)ایف بی آر ذرائع نے بتایاہے کہ انکم ٹیکس گوشوارے جمع کرانے کی تاریخ میں توسیع کا امکان ہے۔ذرائع کے مطابق ایف بی آر کی جانب سے انکم ٹیکس گوشوارے جمع کرانے کی تاریخ میں توسیع پر غور کیا جارہا ہے۔ ذرائع نے بتایاکہ وزیراعظم کی وطن واپسی پر تاریخ میں توسیع پرغور ہوسکتا ہے۔

ایف بی آر ذرائع نے بتایا کہ وزیر اعظم کو تاریخ میں توسیع کی سفارش کی جائے گی۔ایف بی آر ذرائع کے مطابق انکم ٹیکس گوشوارے جمع کرانے کے دوران سسٹم پر بہت بوجھ ہے۔ 28ستمبر تک 29لاکھ گوشوارے جمع ہوچکے ہیں۔ گزشتہ سال 28ستمبر تک 14لاکھ گوشوارے جمع ہوئے تھے۔