لاہور( این این آئی )چیئرمین ایل پی جی ڈسٹری بیوٹرز ایسوسی ایشن عرفان کھوکھر نے دعویٰ کیا ہے کہ ایل پی جی کے لوکل اور امپورٹرز کے درمیان کشیدگی کی وجہ سے ایل پی جی کی قیمت میں 60 سے 70 روپے کمی ہوئی ہے ۔ انہوں نے کہاکہ درآمد شدہ ایل پی جی کے 3 جہاز کراچی پورٹ پر پہنچتے ہی او جی ڈی سی ایل نے پیداواری لاگت کم کر دی،ایل پی جی کا ایک اور جہاز دو تین روز میں پاکستان پہنچ جائے گا اورجہاز پہنچتے ہی ایل پی جی کی قیمت میں مزید کمی ہوگی ۔

انہوں نے کہا کہ اوگرا نے ایل پی جی کی قیمت 238روپے مقررہ کی تھی مگر مافیا 240سے 250روپے فی کلو فروخت کر رہا تھا ۔او جی ڈی سی ایل نے ایل پی جی کی پیداواری قیمت میں 32 ہزار میٹرک ٹن تک کمی کر دی ،ایل پی جی کی پیداواری قیمت 1لاکھ 62 ہزار میٹرک ٹن سے کم ہو کر 1لاکھ 30ہزار پر آگئی ہے ۔