اسلام آباد(این این آئی)اقتصادی رابطہ کمیٹی نے گیس ٹیرف میں اضافے کی منظوری دے دی۔تفصیلات کے مطابق اسلام آباد میں نگراں وزیر خزانہ ڈاکٹر شمشاد اختر کی زیر صدارت ای سی سی کا اجلاس ہواجس میں گھریلو، کمرشل اور صنعتی صارفین کیلئے گیس ٹیرف میں اضافے کی منظوری دے دی۔

ذرائع کے مطابق ای سی سی نے وزارت پیٹرولیم کی سمری کی منظوری دے دی،نئے گیس ٹیرف کا اطلاق یکم اکتوبر 2023سے ہوگا۔ذرائع کے مطابق ای سی سی اجلاس میں بیرون ملک سے10لاکھ میٹرک ٹن گندم درآمد کرنے کا بھی فیصلہ کیا۔ای سی سی نے مالی سال 24-2023کیلئے گندم کی درآمد کی منظوری دے دی اور کہا کہ گندم کی درآمد کا مقصد اسٹریٹجک ذخائر برقرار رکھنا ہے۔ذرائع کے مطابق ای سی سی نے ایرا کے لیے 48کروڑ 40لاکھ روپے کی تکنیکی سپلیمنٹری گرانٹ بھی منظور کرلی۔