اسلام آباد(این این آئی)ایف آئی اے نے پی ٹی آئی دور میں تعینات 4اہم بیورو کریٹس کو طلب کرلیا،بیوروکریٹس کو فرح خان کے خلاف جاری منی لانڈرنگ کیس میں طلب کیا گیا ہے۔ایف آئی اے ذرائع کے مطابق طلب کئے جانے والوں میں احمد عزیزتارڈ، طاہر خورشید، صالحہ سعید اور عثمان معظم شامل ہیں،تمام افسران کو 7 اگست کو طلب کیا گیا ہے۔پی ٹی آئی دور میں طاہر خورشید وزیراعلیٰ پنجاب کے پرنسپل سیکرٹری کے طور پر کام کررہے تھے،صالحہ سعید ڈی سی لاہور اور ڈی جی ایکسائزکے اہم عہدوں پر تعینات رہی ہیں،احمد عزیزتارڑ سنیر ممبر بورڈ آف ریونیو تعینات تھے۔

ایف آئی اے نے تمام افسران کے بنک اکائونٹس، بیرون ملک دوروں، اف شور کمپنیوں کی تفصیلات مانگی ہیں۔ایف بی آر سے گوشواروں کی تفصیلات بھی طلب کی گئیں ہیں۔ اندرون ملک اور بیرون ملک خریدی گئی جائیدادوں کی تفصیلات بھی طلب کی گئیں ہیں۔ایف آئی اے نے پاکستان میں اور پاکستان سے باہر خریدی گئی غیرملکی کرنسی کی تفصیلات طلب کرلی ہیں۔