اسلام آباد (این این آئی)ایک ہفتے میں 24 اشیائے ضروریہ کی قیمتوں میں اضافہ ہوگیا،ہفتہ وار مہنگائی کی شرح 28.55 فیصد تک پہنچ گئی ۔ ہفتہ وار مہنگائی کے اعداد و شمار کے مطابق ایک ہفتے میں 24 اشیائے ضروریہ مہنگی ہوئیںجس کے ساتھ ہی ہفتہ وار بنیادوں پر مہنگائی کی مجموعی شرح 28.55 فیصد پر پہنچ گئی۔ ادارہ شماریات کے مطابق ایک ہفتے میں آٹے کا 20 کلو کا تھیلا 106 روپے 85 پیسے کا اضافہ ہوا، ایک ہفتے میں ٹماٹر کی فی کلو قیمت میں 23 توپے 15 پیسے کا اضافہ ہوا، ایک ہفتے کے دوران پیاز کی قیمت میں 5 روپے 16 پیسے کا اضافہ ہوا ۔
ادارہ شماریات کے مطابق آلو کی قیمت میں فی کلو 4 روپے 16 پیسے اضافہ ہوا، ایک ہفتے میں چینی کی قیمت میں 4 روپے 44 پیسے کا اضافہ ہوا ۔ رپورٹ کے مطابق ایک ہفتے کے دوران لہسن 6 روپے 48 پیسے مہنگا ہوا،ایک ہفتے میں دال ماش 5 روپے 95 پیسے اوربکرے کا گوشت 6 روپے 54 پیسے مہنگا ہوا۔ رپورٹ کے مطابق فریش دودھ کی قیمت میں 2 روپے 11 پیسے مہنگا ہوا، مرغی کی قیمت میں 12 روپے 86 پیسے کمی ہوئی۔ ادارہ شماریات کے مطابق ہفتے کے دوران ایک پی جی کا گھریلو سلینڈر 24 روپے 55 پیسے سستا ہوا، ایک ہفتے میں گھی کا ڈھائی کلو کا ٹن 11 روپے 1 پیسے سستا ہوا۔ ادارہ شماریات کے مطابق دال مسور ایک روپے 29 پیسے اور دال مونگ 82 پیسے سستی ہوئی۔
