راولپنڈی (این این آئی) مری میں عیدالاضحی کی چھٹیوں کے دوران سیاحوں کی آمد کے اعدادوشمار جاری کردیئے گئے۔پنجاب ٹورازم اسکواڈ ڈیپارٹمنٹ آف ٹورسٹ سروسز پنجاب کے مطابق 29جون سے یکم جولائی تک 3لاکھ 18ہزار سے زائد سیاحوں نے شمالی علاقہ جات کا رخ کیا۔ ان میں سے 156غیرملکی سیاح بھی سیروتفریح کیلئے مری آئے اس حوالے سے اسسٹنٹ ڈائریکٹر پی ٹی ایس سید خرم حسن کا کہنا تھا کہ پتریاٹہ میں 37ہزار369 افراد سیاح تفریح کی غرض سے آئے۔ترجمان نے بتایا کہ عید کی چھٹیوں پر سب سے زیادہ سیاحوں کی آمد گلیات میں ریکارڈ کی گئی۔ ترجمان نے مزید کہا کہ عیدالاضحی کی چھٹیوں کے دوران پنجاب ٹورازم اسکواڈ نے بھی سیاحوں کو سہولیات فراہم کیں۔ چھٹیوں کے دوران ٹورسٹ فیسیلی ٹیشن سنٹرز بھی معلومات فراہمی کیلئے 24 گھنٹے فعال رہے۔
عید کے تین دنوں میں دو لاکھ سے زائد سیاحوں نے گلیات کا سفر کیا،منجلوں, بچوں اور فیملیز نے خوب انجوائے کیا۔ ترجمان گلیات ڈویلپمنٹ اتھارٹی کے مطابق عید کے تین دن کے دوراں 53 ہزار گاڑیاں گلیات میں داخل ہوئیں۔ 29000 گاڑیاں مری سائیڈ سے داخل ہوئیں جبکہ 24000 ایبٹ آباد سے داخل ہوئیں۔ سٹاف عید کے دوراں بھی 24 گھنٹے ڈیوٹی پر مامور رہا ۔ترجمان کے مطابق عید کے دوراں دو ٹن سے زائد جانوروں کی آلائشیں اکٹھی کرکے تلف کیں ۔قربان گاہوں کو ڈسانفیکٹ کرکے پانی سے صاف کیا گیا ڈائریکٹر جنرل جی ڈی اے کی سیاحوں کو ہر ممکن سہولت فراہم کرنے کی ہدایت کی ہے، عید کے دوراں جی ڈی گلیات نے تمام آپریشن کی نگرانی خود کی۔
