اسلام آباد (مانیٹرنگ ڈیسک /این این آئی)وزیراعلی پنجاب سردار عثمان بزدار کی معاون خصوصی فردوس عاشق اعوان کے برتاؤ پر اسسٹنٹ کمشنر سیالکوٹ سونیا صدف کابھی ردعمل آگیا ۔ اے سی سیالکوٹ سونیا صدف کا کہنا ہے کہ یہ کوئی طریقہ ہےہم یہاں پر ذلیل و خوار ہو گئےہیں اور صبح شام ہم یہا ں پر موجود ہو تے ہیں ، یہ کوئی طریقہ نہیں ہے ہم اس معاملے پر آرام کیساتھ بات کر سکتے ہیں،

گرمی کاموسم ہے پھل خراب ہو سکتے ہیں ۔اے سی سونیا صدف کا کہنا تھا کہ کوئی بات نہیںمیڈیم کو وزٹ مکمل کرنے دیں اس کے بعد ہم بھی نکلتے ہیں ۔ واضح رہے کہ وزیراعلیٰ پنجاب عثمان بزدار کی معاون خصوصی برائے اطلاعات ونشریات ڈاکٹر فردوس عاشق اعوان نے اسسٹنٹ کمشنر (اے سی) سیالکوٹ سونیا صدف کو بازار میں سب کے سامنے ڈانٹ پلادی تھی ۔فردوس عاشق اعوان نے سیالکوٹ میں بازار کا دورہ کیا اور اشیائے ضروریہ کی قیمتوں کا جائزہ بھی لیا۔ اس دوران معاون خصوصی نے اسسٹنٹ کمشنر سیالکوٹ کو بازار میں سب کے سامنے ڈانٹ دیا اور کہا کہ افسر شاہی کی کارستانیاں حکومت بھگت رہی ہے، آپ اے سی ہیں تو عوام کا سامنا کریں چھپ کیوں رہی ہیں؟فردوس عاشق نے کہا کہ ہر شہر کے رمضان بازار کا دورہ کیا مگر سب سے برا حال سیالکوٹ کا ہے، آپ کی حرکتیں ہی اسسٹنٹ کمشنر والی نہیں۔ڈانٹ ڈپٹ کے دوران اسسٹنٹ کمشنر سونیا صدف غصے سے پنڈال سے باہر نکل گئیں۔واقعے کی ویڈیو بھی سوشل میڈیا پر وائرل ہوگئی ہے اور صارفین کی جانب سے ملے جلے ردعمل کا اظہار کیا گیا۔