ریاض (این این آئی)سعودی عرب کے ولی عہد شہزادہ محمد بن سلمان بن عبدالعزیز کے سرکاری ٹی وی کو دئیے گیے انٹرویو کے ملک کی اسٹاک مارکیٹ پربھی مثبت اثرات سامنے آئے ہیں۔ شہزادہ محمد بن سلمان کے انٹرویو

کے بعد سعودی اسٹاک مارکیٹ تاسی کا مرکزی انڈیکس تجارت کے اختتام پر 2.57 یا 264 پوائنٹس تک پہنچا۔عرب ٹی وی کے مطابق سعودی عرب کی اسٹاک مارکیٹ میں یہ معمولی چڑھائو مملکت کی معاشی ترقی سے متعلق گفتگو اور معاشی کارکردگی کے بارے میں سعودی ولی عہد شہزادہ محمد بن سلمان کی گفتگو کیمثبت اثرات کا نتیجہ ہے۔ انہوں بے اپنے انٹرویو میں عوامی سرمایہ کاری فنڈ سے وابستہ کمپنیوں کو مارکیٹ میں متعارف کروانے کے منصوبے کا اعلان کیا اور غیر ملکی سرمایہ کاروں کو آرمکو میں 1 فی صد حصص کی پیش کش ہے۔آرامکو کے حصص میں 13 اعشاریہ 13 فی صد اضافہ ہوا۔ آرامکو کے پوائنٹس 35 اعشاریہ 8 ریکارڈ کیے گئے۔ خیال رہے کہ سعودی ولی عہد نے آرامکو کے ایک فی صد حصص غیرملکی سرمایہ کاروں کو فروخت کرنے کا اعلان کیا تھا اور اس حوالے سے غیرملکی سرمایہ کاروں کے ساتھ بات چیت جاری ہے۔