بدین(این این آئی) اینٹی کرپشن ٹیم کا سول جج بدین وقار حسین کھٹی کے ہمراہ گولارچی فوڈ گودام پر چھاپہ گودام سے ہزاروں بوریاں غائب ہونے کا انکشاف ہواہے۔اینٹی کرپشن کی ٹیم نے سول جج کی موجودگی میں گودام میں 5 گھنٹے تک چھان بین اور اعداد و شمار کا سلسلہ جاری رکھا۔ جبکہ چھاپہ کی اطلاع ملتے ہی فوڈ انچارج اور عملے میں کھلبلی مچ گئی۔

اینٹی کرپشن سرکل بدین صفدر علی پھنور کے مطابق ڈی ایف او فوڈ ڈیپارٹمنٹ کی شکایت پر کارروائی کی گئی ہے۔ گودام میں موجود گندم میں موجود زیادہ تر گندم خراب، ناقص اور بدبودار ملی ہے جبکہ 4 ہزار 4 سو گندم کے کی بوریوں میں سے ایک ہزار کے لگ بھگ کم اور غائب تھیں۔دوسری جانب چینی ڈیلرز کی مسلسل ہڑتال اور فلور ملز کی ہٹ دھرمی کے باعث لاہور میں چینی اور آٹے کا بخران بدستور جاری رہا جس کی وجہ سے شہر کے مختلف علاقوں میں آٹا اور چینی نہ صرف ناپید ہیں بلکہ ان علاقوں میں پرچون کی سطح پر چینی 110روپے فی کلو میں فروخت کی جا رہی ہے جس سے چینی اور آٹے کے صارفین کو شدید مشکلات کا سامنا کرنا پڑ رہا ہے اور شہری چینی مافیا کی من مانی قیمتوں پر چینی خریدنے پر مجبور ہیں۔