لاہور( این این آئی)پنجاب بھرکی اوپن مارکیٹ میں گندم کی قیمت میں مسلسل اضافہ جاری ہے، 5 ماہ میں قیمت تقریباً 900 روپے فی من تک بڑھ گئی۔رواں سال پنجاب میں 2 کروڑ ٹن گندم کی پیداوار ہوئی جس میں سے حکومت نے 40لاکھ ٹن گندم خریدلی تاہم اوپن مارکیٹ میں پھر بھی عدم دستیابی کی شکایت ہے۔سروے کے مطابق 5ماہ میں قیمت تقریباً900روپے فی من تک بڑھ گئی ہے۔

گندم مہنگی ہونے پرتاجراورخریدار دونوں ہی پریشان ہیں۔فی من گندم کی قیمت بڑھنے کا اثر آٹے پر بھی ہوا ہے اورچکی کا آٹا سب سے زیادہ مہنگاہوا ہے اورقیمت76 روپے فی کلو تک پہنچ گئی ہے۔فلارملزایسوسی ایشن کے مطابق اب تک 2 لاکھ ٹن غیرملکی گندم مارکیٹ میں آئی ہے۔پاکستان میں اس وقت آٹے کی قیمت کم کرنے کے لئے مزید18 لاکھ ٹن گندم درآمد کرنے کی ضرورت ہے۔