اسلام آباد(مانیٹرنگ ڈیسک)وزیراعظم کی کوششیں رنگ لانے لگیں ، ویژن کے مطابق 800میگاواٹ مہمند ڈیم ہائیڈرو پاور پراجیکٹ کے ٹنل پر کام شروع کر دیا گیا ۔ کام شروع ہونے کے موقع پر پاکستانی اور چینی ورکرز نے خوشی کا اظہار کرتے ہوئے شاندار آتش بازی کا مظاہر ہ کیا ۔ مہمند ڈیم کے ٹنل کی تعمیر کو چار سال کے عرصے یعنی 2024 تک مکمل کرلیا جائے گا،

تاہم ڈیم کی تعمیر کے بعد ڈیم میں 1.293 ملین ایکڑ فٹ تک پانی ذخیرہ کرنے کی گنجائش موجود ہوگی۔ میگا واٹ کا مہمند ڈیم ہائیڈرو پاور پراجیکٹ شیڈول کے مطابق 2024 ء میں مکمل ہوجائے گا۔ واپڈا ذرائع کے مطابق ڈیم میں پانی ذخیرہ کرنے کی صلاحیت 1.2ملین ایکڑ فٹ ہوگی، منصوبہ سے نیشنل گرڈکو سالانہ 2 ارب 86 کروڑ یونٹ سستی پن بجلی مہیا ہوگی اورساتھ ہی پشاور، چارسدہ اور نوشہرہ کے علاقوں میں سیلاب کی روک تھام ممکن ہوسکے گی۔ ایک لاکھ 60 ہزار موجودہ اراضی کے علاوہ 16 ہزار 7 سو ایکڑ نئی اراضی بھی سیراب ہوگی جبکہ پشاور کو روزانہ 300 ملین گیلن پینے کا صاف پانی فراہم کیا جائے گا، منصوبے سے ہر سال تقریباً51 ارب 60 کروڑروپے کے مساوی فوائد حاصل ہوں گے۔

موضوعات:مہمند ڈیم ہائیڈرو پاور پراجیکٹ وزیراعظم