راولپنڈی (این این آئی)پی آئی اے کی خصوصی پروازوں کے عملے اور اسٹاف کیلئے مزید حفاظتی اقدامات ،نیشنل ڈیزاسٹر مینجمنٹ اتھارٹی کی جانب سے پی آئی اے کو ایک لاکھ ڈالر کی حفاظتی کٹس کا عطیہ کیا گیا ترجمان کے مطابق کٹس میں حفاظتی لباس، ماسک اور عینکیں شامل ہیں ،ان کٹس کا استعمال پی آئی اے کا عملہ دوران پرواز
کرے گا ،سی ای او پی آئی اے ائیر مارشل ارشد ملک نے چیئرمین این ڈی ایم اے جنرل افضل کا خصوصی شکریہ ادا کیا ۔تمام قومی ادارے مکمل یکجہتی اور یگانگت سے ملک کی خدمت میں مصروف ہیں ۔ سی ای او ارشد ملک نے کہاکہ عطیہ کردہ سامان سے پی آئی اے کا عملے اور مسافروں کو محفوظ بنانے میں بہت مدد ملے گی۔
