کراچی (سی پی پی) کاروباری ہفتے کے پہلے روز انٹر بینک میں ڈالر 14 پیسے مہنگا ہو گیا، سٹاک مارکیٹ میں مثبت رجحان، 620 پوائنٹس کا اضافہ ہوا۔ مارکیٹ میں کاروبار کے دوران ڈالر کے ریٹ میں اضافہ، انٹر بینک میں 14 پیسے مہنگا ہو کر 154 روپے 38 پیسے پر ٹریڈ ہوا۔

اسٹاک مارکیٹ میں 620 پوائنٹس اضافہ کے بعد 100 انڈیکس 38 ہزار 604 پوائنٹس کی سطح پر آ گیا۔واضح رہے گزشتہ کاروباری ہفتے کے دوران سٹاک مارکیٹ میں تقریبا تین سال کی بدترین مندی ریکارڈ کی گئی، 100 انڈیکس 37 ہزار 983 پوائنٹس پر بند ہوا تھا۔