بیجنگ (این این آئی)چین میں سامنے آنے والے کرونا وائرس نے صرف چین بلکہ پوری دنیا کی معیشت پر تباہ کن اثرات مرتب کرنا شروع کردیئے ،عرب ٹی وی کے مطابق کرونا وائرس کی وجہ سے بین الاقوامی سیاحت بری طرح متاثر ہوئی ہے اور عالمی اسٹاک مارکیٹس سنہ 2016ء کے بعد بدترین بحران سے دوچار ہوئی ہیں۔
کرونا وائرس کے بڑھتے خطرات ہرآنے والے دن بین الاقوامی حصص مارکیٹ کے لیے بْری خبر لا رہے ہیں۔ برٹش اور فرانسیسی اسٹاک مارکیٹ میں 6 فیصد سے 13 فیصد کے درمیان کمی آئی ہے۔ یورپی سیاحتی کمپنیوں کے حصص تیزی کے ساتھ کم ہو رہے ہیں۔ اسی طرح کورونا وائرس کے باعث اٹلی میں میلانو اسٹاک ایکسچینج سخت دباؤ میں ہے۔ اس کی ایک وجہ کرونا کا اٹلی میں پھیلنا بھی شامل ہے۔ اٹلی ان 29 ممالک میں سے ایک ہے جہاں کرونا وائرس پھیل چکا۔کرونا وائرس کے بڑھتے خطرات کے پیش نظر اسٹاک مارکیٹ میں نئے سرمایہ کاروں کی تعداد میں بھی کمی آ رہی ہے۔لگژری سامان بنانے والی کمپنیوں ، کان کنی کی فرموں ، آٹوموبایل انڈسٹری ، ٹکنالوجی اور بینکوں کے حصص تین فیصد سے زیادہ گر گئے۔ایسوسی ایٹڈ برٹش فوڈز ، جو پرائم مارک کے مالک ہیں کے حصص میں 3 فیصد کی کمی واقع ہوئی ہیکرونا وائرس نے امریکی ڈاو جونز صنعتی انڈسٹری کو وال اسٹریٹ مارکیٹ کے کھلنے کے چند لمحوں میں 800 پوائنٹس کی کمی ہوئی ہے۔ چین کے باہر کرونا وائرس کے دائرے میں اضافے کے بعد سرمایہ کاروں کو عالمی شرح نمو میں خسارے کا اندیشہ ہے۔اسٹینڈ اینڈ بورز کا 500 انڈیکس 50 دن کی اوسط سط سے گرگیا۔
جبکہ ڈاؤ بلیو چپ انڈیکس 100 دن کی اوسط سطح سے نیچے آگیا۔مشرق وسطی کے اسٹاک مارکیٹس پیر کے روز چین کے علاوہ دیگر ممالک میں کرونا وائرس کے تیزی سے پھیلاؤ کی وجہ سے ایک ساتھ دھڑام سے نیچے آ گریں۔ خام تیل کی عالمی منڈی میں قیمت 2 اعشاریہ 37 ڈالر کمی ہوئی جو کہ جو کل فی صد کے اعتبار سے 4 اعشاریہ ایک فی صد کے برابر ہے۔
سعودی اسٹاک ایکسچینج میں تین پوائنٹ گر گئی۔ گذشتہ برس 13 مئی کے بعد سعودی اسٹاک مارکیٹ کا یہ سب سے بڑا نقصان ہے۔قطر میں تمام حصص گرنے کے بعد انڈیکس 1.3 فیصد گر گیا۔ ریان بینک کے حصص میں 2÷ اور قطر نیشنل بینک میں 1÷ کمی واقع ہوئی۔ابوظبی انڈیکس میں 2.2 فیصد کمی واقع ہوئی اور پہلے ابوظبی بینک کے حصص 4.5 فیصد گرگئے۔دبئی میں انڈیکس میں 0.8 فیصد کی کمی واقع ہوئی جبکہ ایامر پراپرٹیز اور ایئرعربیہ میں سے ہر ایک کے حصص میں 2.6 فیصد کی کمی واقع ہوئی۔کویت میں انڈیکس میں 1.7 فی صد کمی ریکارڈ کی گئی۔خلیج سے باہر کمرشل انٹرنیشنل بینک میں 1.1 فیصد اور ہیلیپولس ہاؤسنگ اینڈ ڈویلپمنٹ کمپنی کے انتظام سنبھالنے اور کمپنی میں حصص خریدنے کی پیش کش نہ ملنے کے بعد مصری اسٹاک ایکسچینج میں 1.7 فیصد کی کمی ہوئی۔
