اسلام آباد (این این آئی)54 کروڑ ڈالر کی تیسری قسط کے لئے آئی ایم ایف کا جائزہ وفد (آج) اتوار پاکستان پہنچے گا۔ذرائع وزارت خزانہ کے مطابق پاکستان اور آئی ایم ایف کے درمیان مذاکرات 3 فروری کو ہوں گے،آئی ایم ایف وفد مذاکرات میں پاکستانی معیشت کا سہ ماہی جائزے لے گا۔ذرائع نے بتایاکہ آئی ایم ایف حکام مختلف وزارتوں اور محکموں کی کارکردگی

کا جائزہ لے گا، آئی ایم ایف وفد توانائی اور ٹیکس اصلاحات کا جائزہ لے گا،آئی ایم ایف وفد مشیر خزانہ ڈاکٹر عبدالحفیظ شیخ, چیئرمین ایف بی آر شبر زیدی سے بھی ملاقات کرے گا۔ ذرائع نے بتایاکہ آئی ایم ایف وفد حکومتی معاشی ٹیم سے بھی ملاقاتیں کرے گا۔ یاد رہے کہ پاکستان کو آئی ایم ایف سے 2 اقساط میں ایک ارب 44 کروڑ ڈالر مل چکے ہیں۔