کراچی(این این آئی) انٹر بینک مارکیٹ میں پیر کو پاکستانی روپے کے مقابلے میں امریکی ڈالر7پیسے مہنگا ہوگیا اور اوپن مارکیٹ میں ڈالر اور یورو کی قدر مستحکم رہی جب کہ برطانوی پاونڈ کی قدر میں ملا جلا رجحان رہا۔فاریکس ایسوسی ایشن آف پاکستان کے مطابق گزشتہ روزانٹربینک مارکیٹ میں روپے کے مقابلے میں امریکی ڈالرکی قدر میں 7پیسے کا اضافہ ہوا

جس سے ڈالر کی قیمت خرید154.88روپے سے بڑھ کر154.95روپے اورقیمت فروخت154.98روپے سے بڑھ کر155.05روپے ہوگئی جب کہ اوپن مارکیٹ میں ڈالر کی قیمت خرید 154.70روپے اور قیمت فروخت 155روپے مستحکم رہی۔دیگر کرنسیوں میں یورو کی قیمت خرید 170.50روپے اور قیمت فروخت 172روپے برقرار رہی جب کہ برطانوی پاونڈ کی قیمت خرید 200روپے مستحکم رہی اور قیمت فروخت40پیسے کے اضافے سے201.60روپے سے بڑھ کر 202روپے ہوگئی۔فاریکس رپورٹ کے مطابق سعودی ریال کی قیمت خرید41.05روپے سے بڑھ کر 41.10روپے اور قیمت فروخت41.35روپے سے بڑھ کر 41.40روپے ہوگئی جب کہ یو اے درہم کی قیمت خرید42.05روپے سے بڑھ کر 42.10روپے اور قیمت فروخت42.35روپے سے بڑھ کر 42.40روپے ہوگئی۔چینی یوآن کی قیمت خرید 22روپے اور قیمت فروخت 22.90روپے مستحکم رہی۔بین الاقوامی مارکیٹ میں گزشتہ روز فی اونس سونے کی قیمت میں 6ڈالرکا اضافہ ہواجس کے باعث مقامی مارکیٹ میں بھی فی تولہ سونامزید400روپے مہنگا ہوگیا۔آل کراچی صراف اینڈجیولرزایسوسی ایشن کے مطابق پیرکوبین الاقوامی گولڈ مارکیٹ میں فی اونس سونے کی قیمت6ڈالرکے اضافے سے بڑھ کر1484ڈالرہوگئی جس کے زیر اثر کراچی،حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت 400روپے کے اضافے سے 86400ہزارر وپے اوردس گرام سونے کی قیمت 342روپے کے اضافے سے بڑھ کر74074روپے ہوگئی جب کہ چاندی کی فی تولہ قیمت970روپے اوردس گرام کی قیمت832روپے مستحکم رہی۔

موضوعات:ڈالر پھر تگڑا