اسلام آباد( آن لائن )چین پاکستان اقتصادی راہداری منصوبہ(سی پیک) کے تحت علامہ اقبال انڈسٹریل سٹی میں 2 لاکھ 90 ہزار افراد کو روزگار کے مواقع میسر آئیں گے، اس زون کے لئے حکومت نے 3 ہزار ایکڑ اراضی فراہم کی گئی ہے۔سی پیک اتھارٹی کے حکام نے اے پی پی کو بتایا کہ اقتصادی زون میں ٹیکسٹائل،
سٹیل، فارماسوٹیکل، انجینئرنگ، کیمیکل، فوڈ پراسیسنگ، پلاسٹک، زرعی مداخل وغیرہ کی مکس انڈسٹری کے قیام کو عمل میں لایا جارہا ہے، یہ زون ساہیانوالہ انٹرچینج موٹر وے ایم تھری پر واقع ہے۔ حکام کے مطابق سی پیک کے دوسرے مرحلے کے تحت پاکستان میں چین کے تعاون سے صنعتی انقلاب برپا ہوگا۔
