تہران(این این آئی)امریکا کی طرف سے ایران پر عاید کی جانے والی اقتصادی پابندیوں کے نتیجے میں ایران کی طاقت ور سپاہِ پاسداران انقلاب کو نئے اقتصادی منصوبوں پرمجبور کیا ہے۔ اسی حوالے سے ایرانی پاسداران انقلاب نے خلیج میں ایک مصنوعی تفریحی جزیرہ قائم کیا ہے۔ یہ نیا مصنوعی جزیرہ کیش جزیرے کے بالمقابل بنایا گیا ہے۔ اسے رہائشی اور تفریحی مقاصد کے لیے استعمال کیا جائے گا۔ایرانی میڈیا کے مطابق خلیج میں تفریحی جزیرے کا قیام خاتم الانبیابریگیڈ کے سربراہ سعید محمد سلامی اور کیش جزیرے کے فریڈ ایڈمنسٹریٹر زون کے

ڈائریکٹر غلام حسین مظفری کی جانب سے مشترکہ یاداشت کی منظوری کے بعد عمل میں لایا گیا۔ مظفری کا کہنا تھا کہ مصنوعی جزیرے کے لیے 5 ہزار مربع میٹر کی جگہ مختص کی گئی ہے۔خیال رہے کہ امریکا کی طرف سے ایران کا معاشی اشکنجہ سخت کیے جانے کے بعد سپاہ پاسداران انقلاب کو سرمائے کے حصول کے نئے ذرائع تلاش کرنا شروع کیے، تاکہ بیرون ملک عسکری مقاصد کے حصول درپیش سرمائے کی قلت پر قابو پایا جسکے۔خیال رہے کہ خاتم الانبیا بریگیڈ ایرانی پاسداران انقلاب کی اقتصادی شاخ ہے جس ایران میں پٹرولیم، توانائی اور کمیونی کیشن کے شعبے میں کام کرتی ہے۔