بیجنگ( آن لائن )چین کے چھ صوبوں میں شان دونگ، جیانگ سو، گوانگ شی، حہ بے، یون نان اور حہ لونگ جیانگ میں آزاد تجارتی آزمائشی زونز کے قیام کا اعلان کیا گیا ہے۔ اس حوالے سے چین کے نائب وزیر تجارت اور بین الاقوامی تجارتی مذاکرات کے نائب مندوب وانگ سو ون کا کہنا تھا کہ ان چھ آزاد تجارتی زونز میں مختلف پہلوں سے اصلاحات کی جائیں گی۔گوانگ شی آزاد تجاری زون کے تحت بین الاقوامی شاہراہ و بحری تجارتی راستے کے قیام ، سمندر پار تجارت ، سامان کی نقل و حمل اور
سمندر پار محنت کشوں کے تعاون کو اہمیت دی جائے گی جبکہ حہ لونگ جیانگ آزاد تجارتی زون کے قیام کا مقصد روس کے ساتھ تعاون کو فروغ دینا ہے اور حہ بے آزاد تجارتی زون کی ترقی شعبہ صحت سے زیادہ تعلق رکھتی ہے۔ یاد رہے کہ 2013 میں شنگھائی آزاد تجارتی زون کے قیام کے بعد سے تاحال چین میں اس قسم کے زونز کی تعداد18 تک جا پہنچی ہے۔ ان زونز میں دریافت کئے گئے نئے تجربے کی چین میں وسیع پیمانے پر تشہیر کی گئی ہے جس نی چین کے کھلے پن کو مزید فروغ دیا ہے۔
