اسلام آباد(مانیٹرنگ ڈیسک) ڈالر کی قدر میں کمی ہونے کا سلسلہ جاری ، آج بھی روپے کی قدر میں معمولی اضافہ۔نجی ٹی وی کے مطابق انٹر بینک میں ڈالر کی قدر میں 20 پیسے کمی واقع ہوئی ہے جس کے بعد ڈالر 157 روپے 80 پیسے پر ٹریڈ کر رہاہے ۔ دوسری جانب سٹاک مارکیٹ
سے بھی اچھی خبریں آرہی ہیں ، آج صبح کاروبار کا آغاز ہوا تو 100 انڈیکس 34 ہزار 307 پوائنٹس کی سطح پر تھا تاہم چند ہی لمحوں کے بعد اس میں بہتری آنا شروع ہو گئی ۔ 100 انڈیکس میں 487 پوائنٹس کا اضافہ ہواہے جس کے بعد انڈیکس 34 ہزار 794 پوائنٹس کی سطح پر پہنچ گیا۔
