دبئی (مانیٹرنگ ڈیسک) دبئی میں روڈ اینڈ ٹرانسپورٹ اتھارٹی کی جانب سے ہفتے کے روز منعقد گاڑیوں کی خصوصی نمبر پلیٹس کے 98ویں اعلانیہ نیلام سے حاصل مجموعی آمدنی 1 کروڑ 90 لاکھ 918 درہم تک پہنچ گئی۔ اماراتی اخبار “الامارات الیوم” کے مطابق سب سے زیادہ رقم میں فروخت ہونے والا نمبرT32 تھا جس کی

قیمت 26.8 لاکھ درہم تھی۔ دوسرا مہنگا ترین نمبر W22 تھا جو 26.2 لاکھ درہم میں فروخت ہوا۔ ان کے علاوہ نیلام میں دو سے لے کر پانچ عدد پر مشتمل 80 خصوصی نمبر پلیٹیں فروخت ہوئیں جن کی قیمتیں 2.5 لاکھ سے 3 لاکھ درہم کے درمیان رہی۔ البتہ بعض نمبروں کی قیمت پانچ لاکھ درہم سے زیادہ تھی۔ مثلا R66666 کی پلیٹ 6.7 لاکھ درہم اورT400 کی پلیٹ 5 لاکھ درہم میں فروخت ہوئی۔

موضوعات:دبئی ،گاڑیاں، نمبر پلیٹس