لاہور (آن لائن)2017)Sastaticket.pk نے پاکستانی مسافروں کی سہولت کے لئے آن لائن ٹرین بکنگ کا آغاز کر دیا ہے۔ اب مسافر طویل قطاروں، ٹکٹ کانٹر سے ٹکٹ کے حصول میں مشکلات، بکنگ کے عمل میں سست روی اور ٹکٹ کی عدم دستیابی کے بارے میں درپیش مشکلات سے قطع نظر آسانی کے ساتھ sastaticket.pk پر اپنے مطلوبہ مقام کے لئے ٹکٹ حاصل کر سکیں گے۔
سی ای او sastaticket.pk شازل مہرکی نے پاکستان کے سب سے بڑے آن لائن ٹریول پورٹل کی اس نئی پیشرفت کے بارے میں گفتگو کرتے ہوئے کہا کہ sastaticket.pk کا مقصد پاکستانیوں کو ہر ممکن سفری سہولیات فراہم کرنا ہے۔ اس مقصد کے پیش نظر ہم نے ٹرین کے ٹکٹ کی بکنگ کے عمل کو آسان اور صارف کے سفر کو زیادہ پر لطف بنانے کے لئے اپنے ٹرین ماڈیول کا آغاز کیا ہے۔انہوں نے کہا کہ اس پیشرفت کے باعث نئے
مواقع کھلے ہیں اور ہم پاکستانی مسافروں کے ایک بڑے طبقہ تک رسائی کے قابل ہوئے ہیں۔ انہوں نے کہا کہ ہماری ٹیم جدید ٹیکنالوجی سے مزین زیادہ دلکش سفری طریقوں کے آغاز کے لئے سب سے آگے ہے۔ سستا ٹکٹ ڈاٹ پی کے کی جانب سے آن لائن ٹرین بکنگ کے آغاز کے ساتھ یہ ٹرین کے ٹکٹ کے حصول میں مشکلات اب ماضی کا حصہ بن چکی ہیں۔۔#/s#
