اسلام آباد(آن لائن)وفاقی پولیس کی مبینہ ملی بھگت سے تھانہ کورال کی حدود میں حرام گوشت کا کام دھڑلے سے جاری ہے ۔گگڑا پارٹی ماہانہ کی بنیاد پر لاکھوں روپے کا حرام گوشت اسلام آباد کے متعدد ہوٹلوں کو فراہم کرنے لگے ہیں۔ تفصیلات کے مطابق تھانہ کورال کی حدود میں کھنہ ڈاک کے علاقہ میں گگڑے نام گینگ نے حرام گوشت اور منشیات کا دھندہ کئی سالوں سے چلایا ہوا ہے ،
اس حوالے سے پولیس نے متعدد چھاپے مار کر حرام گوشت اور منشیات برآمد کر کے کمزور دفعات کے ساتھ مقدمات بھی درج کیے مگر بااثر ملزمان کی بااثر شخصیات کی پشت پناہی کے باعث ضمانتوں پر رہا ہو جاتے ہیں ،ذرائع کا کہنا ہے کہ حرام گوشت اور منشیات کا کام دھڑلے سے جاری ہے اور ماہانہ کی بنیا د پر پولیس کو بھی بھتہ دیا جارہا ہے جس کے باعث اس گینگ پر مضبوط گرفت نہیں ہو پارہی ہے ۔
