ملتان(یوا ین پی)وفاقی وزیرفوڈاینڈسیکیورٹی سکندرحیات بوسن نے کہا ہے کہ آنے دوبارہ عوام کی خدمت کا موقع دیا ہے ،عوام کے مسائل کو ترجیحی بنیادوں پرحل کرانے کی کوشش کروں گا۔ان خیالات کا اظہار انہوں نے وائس چیئرمین ضلع کونسل سرفرازکھوراور ارشد میٹ کی قیادت میں یوسی چیئرمین کے آنے والے وفدسے گفتگو کرتے ہوئے کیا۔اس موقع پر وائس چیئرمین ضلع کونسل سرفراز کھور،یوسی چیئرمینوں ارشد میٹ ، کامران سن اوراصغرشاہ،طارق نیاز نے

وفاقی وزیرحاجی سکندرحیات بوسن کو وفاقی کابینہ میں دوبارہ شمولیت پر مبارکباد دی اور امید ظاہر کی کہ ان کی قیادت میں ملتان اور بالخصوص حلقہ این اے 151کی تعمیروترقی کاسفر مزید تیز ہوگا،سکندربوسن نے کہا کہ مسلم لیگ(ن)کے چارسالہ دواقتدار میں ملک کو معاشی استحکام ملا،سی پیک ،موٹرویز،سڑکوں کا جال بچھایا گیا،دنیا بھر میں تسلیم کیا گیا کہ پاکستان معاشی طور پردنیا کا مضبوط ترین ملک بنتا جارہا ہے اور پاکستان کے ایشین ٹائیگر بننے کا خواب بھی جلد پورا ہونے والا ہے۔انہوں نے کہا کہ ملکی ترقی کے دشمنوں کو پاکستان کی معاشی استحکام برداشت نہیں ہے لیکن یہ تمام قوتیں ناکام ونامراد ہوں گی،قوم نے آئندہ الیکشن کیلئے بھی میاں نوازشریف کے حق میں فیصلہ سنادیا ہے۔