اسلام آباد(مانیٹرنگ ڈیسک) معروف کار ساز کمپنی نےسوزوکی مہران کی مختلف گاڑیوں کی قیمتوں میں24 ہزارروپے تک اضافہ کردیا ہے۔تفصیلات کے مطابق سوزوکی کی جانب سے مہران گاڑیوں کی قیمتوں میں اضافہ نئے سیکورٹی فیچرشامل کرنے کی بنیاد پر کیا گیا ہے۔ سوزوکی کی جانب سے قیمتوں میں اضٓفے کے بعد نئی گاڑیوں کی قیمت مجموعی طور پر آسمان کو چھونے لگی ہے۔ رپورٹ کے مطابق نئی قیمتوں کے بعد سوزکی مہران وی ایکس 6 لاکھ
نواسی ہزار، سوزوکی مہران وی ایکس آر 7 لاکھ 53 ہزار، سوزوکی مہران وی ایکس (سی این جی ) 7 لاکھ 49 ہزار ، سوزوکی مہران وی ایکس آر (سی این جی) 8 لاکھ 2 ہزار روپے کی ہوگی۔ سوزوکی مہران کی تمام گاڑیوں میں ایک نئے سیکورٹی فیچر کا اضافہ کیا گیا ہے۔ جس کے تحت گاڑیاں اب صرف اوریجنل چابیوں سے ہی سٹارٹ ہو سکیں گی اور چور انہیں ڈائریکٹ تار سے سٹارٹ نہیں کر سکیں گے۔اس نئے سیکورٹی فیچر کو ’’ایموبیلائزر‘‘ کا نام دیا گیا ہے۔
