لاہور(مانیٹرنگ ڈیسک)بڑھتی ہوئی پاک بھارت کشیدگی اورعالمی منڈی میں خام تیل کی قیمتوں میں اتار چڑھاؤ سے بچنے کیلئے حکومت نے ملک میں پیٹرولیم مصنوعات کا ذخیرہ دگنا کرنے کا فیصلہ کرلیا گیا،پیٹرولیم مصنوعات کو ذخیرہ کرنے کے لئے حکومت نے نجی اور بیرونی سرمایہ کاروں کو بھی دعوت دیدی ۔ذرائع کے مطابق اس وقت ملک میں 21 روز کا تیل ذخیرہ کرنے کی گنجائش موجود ہے ۔تاہم اب حکومت نے عالمی منڈی

میں خام تیل کی قیمتوں میں اتار چڑھاؤ سے بچنے کیلئے ملک میں پیٹرولیم مصنوعات کا ذخیرہ دگنا کرنے کا فیصلہ کیا ہے ۔ ذرائع کے مطابق حکومت نے مستقبل میں پٹرولیم مصنوعات کی ممکنہ قلت کے پیش نظر ذخیرے میں اضافے کا فیصلہ کیا ۔ ماہرین کے مطابق دنیا بھر میں تیل کی قیمتوں میں اتار چڑھاؤ کے اثرات سے بچنے کے لئے سٹوریج کپیسٹی کو بڑھایا جاتا ہے ۔ دوسری جانب کسی بھی ہنگامی صورتحال سے بچنے کے لئے بھی ملک میں تیل کے وافر مقدارمیں ذخائر ہونا بہت ضروری ہیں اس لئے حکومت کا پیٹرولیم مصنوعات کے ذخیرے کو بڑھانے کے لئے اٹھایا گیا یہ قدم آئندہ آںے والے وقتوں میں بہت مفید ثابت ہوگا ۔

موضوعات:تیل