لاہور (این این آئی )ہائیکورٹ نے شراب کی تیاری پر پنجاب میں ڈیوٹی کی ادائیگی کو غیر آئینی قرار دیدیا جبکہ عدالت نے قرار دیا ہے کہ بین الصوبائی تجارت کیلئے ڈیو ٹی لگانا صوبے کا نہیں بلکہ پارلیمنٹ کا اختیار ہے ۔لاہور ہائیکورٹ کے جسٹس شاہد کر یم نے مری بیوری سمیت دیگر کی درخواستوں پر تحریری فیصلہ جا ری کیا ۔ فاضل عدالت نے اپنے تحریری فیصلے میں پنجاب میں شراب کی تیاری پر سٹل ہیڈ ڈیو ٹی کا نو ٹیفکیشن غیر آئینی قراردیتے ہوئے کہا ہے کہ شراب کی تیاری میں پنجاب میں ڈیو ٹی کی ادائیگی آرٹیکل151کی خلاف ورزی ہے۔ بین الصوبائی تجارت کیلئے ڈیو ٹی لگانا صوبے کا نہیں بلکہ پارلیمنٹ کا اختیار ہے ۔ مری بیوری نے شراب کی مینوفیکچرنگ پر پنجاب میں ڈیوٹی کی اداکو چیلنج کر رکھا تھا ۔