کراچی(این این آئی)ٹیکس گوشوارے جمع نہ کرانے والوں کو اب نئی گاڑی لیزکروانے پر3فیصد ودہولڈنگ ٹیکس جبکہ پلاٹ دکان اور مکان کی خریدوفروخت پر2فیصد ودہولڈنگ ٹیکس جمع کروانا ہوگا۔وفاقی بجٹ میں منظور کردہ نیاقانون نافذالعمل ہوگیاہے۔ایف بی آرحکام کے مطابق غیررجسٹرڈ افراد کولیزنگ کمپنی یا بینکوں سے نئی گاڑی لیزکروانے پراس کی مالیت پر3 فیصد ودہولڈنگ ٹیکس ادا کرنا ہوگا یاد رہے کہ حکومت نے گذشتہ مالی سال سے نقد رقم پرنئی گاڑی خریدنے والوں پرودہولڈنگ لگایا تھا تاہم گاڑی لیزکروانے والے اس سے مستثنیٰ تھے۔ملک میں ہرسال ایک لاکھ سے زائد گاڑیاں لیزپرحاصل کی جاتی ہیں۔ حکومت نے جائیداد کی خریدوفروخت پرانکم ٹیکس کی ادائیگی کیلئے قانون میں ترمیم کرتے ہوئے ڈی سی ریٹس کی بجائے اسٹیٹ بینک کی طرف سے جائیداد کیلئے مقررکردہ ریٹس کا نفاذ کیا ہے۔ نئے طریقے کارکے تحت جائیداد کی قیمت کا تعین اسٹیٹ بینک کی طرف سے منظورشدہ ماہرین ایویلوایٹرزکریں گے۔جس سے حکومت کوکیپیٹل ویلیو ٹیکس کی وصولیوں میں نمایاں اضافہ ہونے کا امکان ہے۔ٹیکس گوشوارہ جمع نہ کرنے والے افراد کوجائیداد کی تعین شدہ قیمت پر2فیصد ودہولڈنگ ٹیکس بھی ادا کرنا ہوگا۔