کراچی(نیوز ڈیسک) لسٹڈ کمپنیوں کی توقعات کے مطابق اچھے مالیاتی نتائج کے باوجود منگل کوپاکستان اسٹاک ایکس چینج کی تجارتی سرگرمیوں پر عالمی مارکیٹوں میں رونما ہونے والی مندی کے اثرات غالب رہے،انڈیکس کی 31900 ،31800 اور31700 پوائنٹس کی 3 حدیں بیک وقت گرگئیں۔ماہرین اسٹاک کا کہنا تھا کہ بڑے حجم کی لسٹڈ کمپنیوں جن میں اوجی ڈی سی ایل، پی پی ایل، پی ایس او، ڈی جی خان سیمنٹ، نیسلے پاکستان شامل ہیں کے توقعات کے مطابق مالیاتی نتائج کے اعلانات کے بعد مارکیٹ میں پرافٹ سیلنگ ہوئی اور اس کی بنیادی وجہ عالمی مارکیٹوں میں حصص کی فروخت پر بڑھتا ہوا دباﺅ تھا، غیرملکیوں کی جانب سے 3ملین ڈالر مالیت کے سرمائے کا انخلا کیا گیا اور انہیں دیکھتے ہوئے سرمایہ کاری کے مقامی شعبوں نے بھی حصص کی آف لوڈنگ میں اپنی عافیت تصور کی۔مندی کے باعث کاروبارکے اختتام پر کے ایس ای100 انڈیکس 254.99 پوائنٹس کی کمی سے31673.16 ہوگیا جبکہ کے ایس ای30 انڈیکس 192.79 پوائنٹس گھٹ کر18514.52 ، کے ایم آئی30 انڈیکس 704.76 پوائنٹس کی کمی سے53919.66 اور ا?ل شیئراسلامک انڈیکس 132.92 پوائنٹس گھٹ کر 14905.81 ہوگیا، کاروباری حجم پیر کی نسبت86.86 فیصد زائد رہا اور مجموعی طور پر16 کروڑ67 لاکھ43 ہزار 210 حصص کے سودے ہوئے جبکہ کاروباری سرگرمیوں کا دائرہ کار340 کمپنیوں کے حصص تک محدود رہا جن میں100 کے بھاﺅ میں اضافہ، 216 کے داموں میں کمی اور24 کی قیمتوں میں استحکام رہا