فیصل آباد،پشاور(نیوز ڈیسک) فیصل آباد میں 100 اور پشاور میں 1500 روپے والے پرائز بانڈز کی قرعہ اندازی کردی گئی ہے ۔تفصیلات کے مطابق فیصل آباد میں کی جانے والی 100 روپے کے پرائز بانڈز کی قرعہ اندازی میں پہلا انعام 7 لاکھ روپے تھا جو کہ 866825 نمبر کے بانڈ ہولڈر کو ملا جبکہ دوسرے نمبر پر تین نمبروں کا انتخاب کیا گیا جن کی انعامی رقم 2 لاکھ روپے فی کس ہے۔ 100 روپے کے پرائز بانڈز کی قرعہ اندازی میں 373204، 732343 اور 967456 کے بانڈز دوسرے انعام کے حق دار ٹھہرے۔ اسی طرح 1500 روپے کے پرائز بانڈ کی انعامی رقم 30 لاکھ روپے تھی جس کی قرعہ اندازی پشاور میں کی گئی۔ قرعہ اندازی میں 748085 نمبر کے بانڈ کا مالک پہلے انعام کا مستحق قرار پایا جبکہ 338227، 701280 اور 996309 کے پرائز بانڈز کے حصہ میں دوسرا انعام آیا جس کی رقم 10 لاکھ روپے فی کس رکھی گئی تھی۔