کراچی(نیوز ڈیسک)ترکی کے قونصل جنرل مرات مصطفی او نارٹ نے کہا ہے کہ پاکستان اور ترکی کے مابین آزاد تجارت معاہدے کے لیے فریم ورک ایگری منٹ رواں ماہ طے کرلیا جائے گا۔جمعہ کوکراچی میں پریس بریفنگ کے دوران ترک قونصل جنرل نے کہا کہ ترک وزیر اعظم کے جون 2015میں دورہ پاکستان کے دوران دونوں ملکوں کے وزرائے اعظم نے دوطرفہ تجارتی تعلقات کو مزید بہتر بنانے کیلئے آزاد تجارت کے معاہدے کے یے جاری سرگرمیوں کو مزید تیز کرنے پر اتفاق کیا تھا۔اس تناظر میں ترک وزیر برائے معاشی امور رواں ماہ اسلام آباد کا دورہ کریں گے، اس دورے میں پاک ترک آزاد تجارت معاہدے کے فریم ورک سے متعلق معاہدہ طے کیا جائے گا جس کے بعد معاہدے کے لیے مذاکرات کا عمل شروع ہوگا تاہم معاہدہ طے پانے میں کچھ سال کا عرصہ لگے گا۔تجارتی معاہدے میں پاکستان کے لیے فوائد کا ذکر کرتے ہوئے انہوں نے کہا کہ ترکی نے جنوبی کوریا کے ساتھ طے کیے جانے والے معاہدے کی طرز پر پاکستان کے لیے وسیع البنیاد ایگریمنٹ تجویز کیا ہے جو نہ صرف مصنوعات بلکہ خدمات کا بھی احاطہ کرتا ہے۔ انہوں نے بتایا کہ ترکی نے آزاد تجارتی معاہدے کیلئے ریسرچ کی ہے۔جس میں نشاندہی ہوئی ہے کہ معاہدے کا زیادہ فائدہ پاکستان کو پہنچے گا۔ انہوں نے ٹرانسپورٹ رابطوں کے فقدان کوتجارتی حجم محدود ہونے کی بنیادی وجہ قرار دیااور کہاکہ ترکش ایئرلائن نے 29فروری سے یومیہ 2 پروازیں چلانے کا فیصلہ کیا ہے، کراچی کے بعد لاہور اور اسلام آباد سے بھی یومیہ 2 پروازوں کا آغاز کیا جائے گا، کارگو سہولت میں بھی اضافہ کیا جارہا ہے۔انہوں نے کہا کہ پاکستان اور ای سی او ممالک کے مابین مال بردار ریل گاڑی کے منصوبے میں بہت پوٹینشل ہے، اس کے ذریعے پاکستان سے ترکی کو تجارتی سامان 2ہفتوں میں بھیجاجاسکتا ہے تاہم اس کی مینجمنٹ کو مسائل کا سامنا ہے۔پاکستانی اسٹاک مارکیٹ میں سرمایہ کاری کے لیے استنبول اسٹاک مارکیٹ کے اظہار دلچسپی کے بارے میں ایک سوال پر انہوں نے کہا کہ استنبول اسٹاک مارکیٹ نیسڈیک سے منسلک ہے، اس لیے استنبول اسٹاک مارکیٹ سے اشتراک میں پاکستانی مارکیٹ کو نئی ٹیکنالوجی اور رجحانات سے ا?راستہ کرنے میں مدد ملے گی۔انہوں نے کہا کہ پاکستان اور ترکی کے تعلقات کو مزید مضبوط بنانے کیلئے 3 روزہ گرینڈ ترکش فیسٹیول 19سے 21 فروری پورٹ گرینڈ میں منعقد ہوگا جس میں ترک ثقافت کا مظاہرہ کیا جائے گا، فیسٹیول کے ذریعے کراچی کے عوام کو موسیقی اور پکوان کے ذریعے تفریح کا منفرد ذریعہ فراہم کیا جائے گا۔
آزادتجارتی معاہدے کافریم ورک رواں ماہ طے کرلیں گے،ترکی
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
ایران کے لیے واحد آپشن
-
ایران نے اسرائیل پرداغے جانے والے میزائلوں پر تھینک یو پیپلز آف پاکستان لکھ دیا
-
عوام کو سستے پیٹرول کی فراہمی ! حکومت کا 24 ہزار فونز خریدنے کا اعلان
-
محلے دار نے بھتیجے کے گھر آئی خاتون کو زیادتی کا نشانہ بنا ڈالا
-
پاکستان کرکٹ بورڈ نے نسیم شاہ کو شوکاز نوٹس جاری کردیا
-
وزیراعظم شہباز شریف کا پیٹرول اور ڈیزل کی قیمتوں بارے بڑا اعلان
-
حمزہ علی عباسی کی بہن نے لاکھوں ڈالرز اور درہم کیسے بیرون ملک منتقل کئے؟ الزامات کی تفصیلات
-
ریشم نے بہت سے گھر اور زندگیاں تباہ کی ہیں’ دیدار کا الزام
-
پاکستان میں سستی الیکٹرک گاڑیوں (EV) کے شوقین افراد کے لیے خوشخبری، CSMنے JMEV EV3 کی قیمتوں کا اعلا...
-
پیٹرولیم مصنوعات کے بارےوزیراعظم کا اہم اعلان
-
آئی پی ایل کو بڑا دھچکا، اہم کھلاڑی کو بورڈ نے این او سی جاری نہیں کیا
-
صدر ٹرمپ کے سعودی ولی عہد کے بارے میں نازیبا اور سخت ریمارکس،ویڈیو بھی سامنے آ گئی
-
آبنائے ہرمز سے باحفاظت گزرنے کیلئے بحری جہاز ایران کو 20 لاکھ ڈالر تک ادائیگی کررہے ہیں: فنانشل ٹائ...
-
عالمی توانائی بحران شدید، ایران نے آبنائے ہرمز پر ”ٹول بوتھ “ نظام متعارف کروا دیا



















































