جارجیا(نیوزڈیسک)گوادر کے بعد چین کا ایک اورشاہکار،چینی سِلک روٹ پر بندرگاہ تعمیر کرنے کا اعلان،ایک جانب چین پاکستان میں گوادر کی بندرگاہ پر کام تیزی سے جاری رکھے ہوئے ہے اور اب ایک اور ملک جارجیا میں بھی ایسے ہی ایک پراجیکٹ کا اعلان کردیاگیا ہے،جارجیا نے اعلان کیا ہے کہ بحیرہ اسود پر چین کی مدد سے ایک اہم بندرگاہ تعمیر کی جائے گی۔ گہرے سمندر پر قائم کی جانے والی اِس بندرگاہ پر ڈھائی بلین ڈالر کی لاگت آئے گی۔غیرملکی خبررساں ادارے کے مطابق جارجیا کے وزیراعظم کے جیورجی کویرکاشویلی نے اعلان کیا ہے کہ بندرگاہ کی تعمیر کا ٹھیکہ ایک کنسورشیم کو دے دیا گیا ہے۔ بندرگاہ مغربی جورجیا کے ساحلی مقام اناکلیا میں تعمیر کی جا رہی ہے اور یہ مقام چینی صدر کے تجویز کردہ سلک روڈ میں شامل ہے۔ جورجین وزیراعظم کے مطابق یہ سارے خطے کی تجارتی سرگرمیوں کے ساتھ چین اور یورپ کی تجارتی عمل کو تقویت دے گا۔ اِس بندرگاہ پر بھاری اور بڑے جہاز لنگر انداز ہو سکیں گے۔